Պաշտոնական հայտարարությունից պարզ դարձավ, որ Ստեփանավանի բժշկական կենտրոնի նախկին տնօրեն Անուշ Իսպիրյանին մեղադրանք է առաջադրվել՝ իրեն վստահված գույքը հափշտակելու և խարդախության հոդվածներով։
Ըստ մեղադրանքի՝ Անուշ Իսպիրյանը կեղծ բուժառուների է գրանցել բժշկական կենտրոնում և պետությունից միջոցներ է ստացել՝ իրականում բուժում չստացած մարդկանց համար։
Անուշ Իսպիրյանը ԲԿ տնօրենի պաշտոնում նշանակվել էր մոտ երեք տարի առաջ՝ 2021 թվականի ամռանը։
Ինչպես հայտնի է, այդ հարցում գործուն ջանքեր է գործադրել պաշտպանության նախարար Սուրեն Պապիկյանը։ Գաղտնիք չէ, որ Ստեփանավանում հենց նա և նրա հայրը բոլոր ոլորտներում կադրային քաղաքականություն են իրականացնում։ Անուշ Իսպիրյանը, որը Պապիկյանի հոր ընկերոջ դուստրն է, նշանակվել է հենց նրա հովանավորությամբ, չնայած բժշկական հաստատության կոլեկտիվը կտրականապես դեմ էր այդ նշանակմանը։
Հաղորդումներ կան, որ իրավապահ մարմինները ուսումնասիրություններ են սկսել նաև նրանց նշանակած այլ կադրերի նկատմամբ։
